Pinasahi nga pagkabun-ag sang isa ka kuting sa banwa sang San Enrique

Bacolod City – Ginbun-ag ang pinasahi nga kuting sa Barangay Baliwagan, San Enrique sini gid lamang nga aga sang Miyerkules, Hulyo 20.

Suno sa tag-iya nga si Michael Severino, nagbata ang iya kuring takna las-11 sang aga kag nakibot siya sa itsura sang kuting bangud wala ini sang ilong kag ‘deformed’ ang mga mata sini.

Pagkatapos sang pila ka minuto, gilayon nga ginbawian sang kabuhi ang kuting.

Dugang pa ni Severino, tatlo kabilog ang bata sang iya kuring kag duha sa mga ini ang yara sa normal nga kondisyon.