MANILA CITY- Ginbuligan sang mag-asawa nga lunsay overseas Filipino workers (OFW) ang isa ka OFW man nga nagbata samtang nagasakay sa eroplano nga nagabiyahe papauli sa Pilipinas.
Natabo ini sadtong Agosto 2 samtang papauli ang mag-asawa nga nurses nga sanday Sheryl kag Ruel Pascua sa syudad sang Davao agud magbakasyon.
Bangud sa kakulang sa gamit sa eroplano para sa operasyon, naghimo sang paamagi ang mag-asawa para luwas nga mabun-ag ang lapsag.
Sensitibo ang kahimtangan sang lapsag bangud premature ini sang ginbun-ag.
Gilayon naman nga gindala sa ospital ang mag-iloy nga gikan sa Kuwait matapos mag-abot ang eroplano sa Manila.
Ginakabig ni Sheryl nga “miracle baby” ang lapsag kag nagapasalamat sila sa Ginoo nga gingamit sila bilang instrumento agud mabuligan ang mag-iloy.
