Nakapasar sa lima ka unibersidad sa abroad nga gin-applyan sang babayi nga estudyante gikan sa Bicol region agud makakuha sang college scholarship.
Sa report sang GMA Regional TV News, ginsaysay ni Ruth Ann Celones, nga ginbun-ag ini sa Amerika upod ang iya tatlo pa nga mga utod.
Apang bangud sa krisis sa ekonomiya, nagdesisyon ang ila mga ginikanan nga papulion sila sa Pilipinas kag didto na magtinir.
Ginpahayag ni Celones nga indi nangin mahapos ang ila pangabuhi sa Pilipinas apang gintinguhaan sila nga suportahan sang ila mga ginikanan.
Rason kun ngaa luyag sini mabalusan ang mga sakripisyo sang iya mga ginikanan paagi sang pag-eskwela sang maayo.
Sang maga-eskwela na si Celones sa kolehiyo, gin-abisuhan siya sang iya manunudlo nga mag-apply ini sang scholarship sa abroad. Sa lima nga iya gin-applyan, nakapasar ini sa tanan.
Nagadangat sa P29 million ang katumbas nga balor sang scholarship nga nakuha ni Celones. Para sa kurso nga International Relation, ginpili niya ang Oral Roberts sa Oklahoma, USA, nga isa ka Christian university.
“Laging mag-persevere. No matter how hard you work ngayon parang walang bunga pero at the end of the day, magbubunga rin ‘yan. Keep working,” suno kay Celones.*
