Pinoy, Gin-Atake Kag Ginkawatan sa Sulod Sang Mall sa California

Gin-atake kag ginkawatan ang isa ka Pinoy sang wala pa makilal-an nga suspek sa sulod sang mall sa California, USA.

Ginkuha sang suspek ang gamit sang biktima nga nagahigda na sa salog sang mall matapos niya ini atakehon.

Nakapalagyo naman ang suspek nga posible armado sang matalom nga armas.

Natabo ang insidente sa sulod sang Southland Mall sa Hayward.

Wala man ginpangalanan sang kapulisan ang biktima apang nakipag-angut na ini sa mga otoridad.

Apang, wala man naghatag sang pahayag ang kapulisan sang Hayward angut sa posibilidad nga racial crime sa natabo nga insidente.*