JAKARTA, INDONESIA– Stable na ang kondisyon sang isa ka Pinoy coach sang Mobile Legends: Bang Bang matapos nalakip sa car accident sa Jakarta, Indonesia.
Ginkilala ang Pinoy coach nga si Kenneth “Flysolo” Coloma nga isa sa lima ka tawo nga na-ulamid sa aksidente.
Magapakadto kuntani ang team sa venue sang ila hampang sa Mobile Legends.
Anay Echo Philippines players nga sanday Frediemar “3Mar” Serafico kag Christian “Rafflesia” Fajura nga lunsay mga Pinoy pro-players ang yara naman sa pihak nga salakyan kag wala na-ulamid sa aksidente.
“All of them are stable now and we’re waiting for updates. Pray for their quick recovery,” suno kay Rafflesia.
Kanselado naman ang hampang sang team batok A8 Pabz.
Kalakip ang mga Pinoy sa team sang Pendekar Esports sa MPL Indonesia.*
