Ginpamatbatan nga mabitay sa iban nga pungsod ang 65 tanan ka mga Filipino nationals, suno kay Nueva Ecija Second District Rep. Joseph Gilbert Violago.
Sa 65 ka mga Pinoy nga yara sa death row, 48 diri lunsay mga lalaki samtang 17 naman ang lunsay mga babaye.
Kalakip sa mga yara sa death row amo si Mary Jane Veloso nga yara sa gihapon sa prisohan sa sulod na sang 12 anyos.
Nakuhaan si Veloso sang mga otoridad sa Indonesia sang kapin 2.6 ka kilo sang heroin sa iya nga bagahe kag ginsentensyahan sang kamatayon sang Oktubre 2010 sa kaso nga drug trafficking.
Tuig 2015, pagabitayon na kuntani si Veloso, apang wala madayon, bangud ginpalayag sang gobyerno sang Pilipinas, nga mahimo magamit ang testimoniya ni Veloso sa pagpasaka sang kaso nga drug trafficking batuk sa iya recruiter.
