Monday, September 26, 2022

Plano Nga Pag-import Sang 85 Million Frozen Meat, Napunggan Sang BOC

- Advertisement -

Ginabulubanta yara sa P85 million nga balor sang illegal nga imported sang agricultural kag poultry products ang nakumpiskar kag nabalabagan sang Bureau of Customs (BOC) nga makasulod sa Manila International Container Port (MICP).

Photo from PhilStar

Ginpasiguro naman sang BOC nga mapasakaan sang kaso nga smuggling kag iban pa nga pormal nga kaso ang mga suspek sang nasambit nga smuggled products nga Jeroce Consumer Goods Trading kag ang broker nga si Gilbert Gucilatar Lopez para sa lima ka shipment nga nag-abot sadtong Hunyo 15.

Kalakip sa nasambit nga kaso ang paglapas sa Sections 117 (regulated importation and exportation) kag 1400 (misdeclaration) in relation to Section 1113 (property subject to seizure and forfeiture) sang Customs Mo­dernization and Tariff Act (CMTA).

- Advertisement -

Ginpaidalum ang shipment sa 100 porsyento nga eksaminasyon kag nahibaluan nga ang unod sang shipment amo ang frozen chicken thigh, frozen chicken breast, frozen chicken skinless breast, frozen chicken peeled breast, kag frozen pork rectum nga nagabalor sa P85 million.

Nakabaton naman ang IG kag CIIS sang degoratory information angot sa mga nasambit nga shipment kag gindeklarar nga hotpot balls kag steamed buns ang unod sang shipments apang natukiban nga frozen meat products ang unod sini nga halin sa China.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

0FansLike
- Advertisement -

Latest Articles