Wala na sa karon gina-require sang Department of Transportation (DOTr) ang pagbutang sang plastic barriers sa sulod sang mga public utility vehicles (PUVs) bilang dibisyon sa mga pasahero.
Ini matapos ginpataas na sa 70% seating capacity ang mga PUV.
Suno kay Transportation Assistant Secretary for road transport Mark Steven Pastor, pwede na kakason sang mga drivers kag operations ang mga nasambit nga plastic barrier sa ila pagbiyahe bangud wala naman sang medical findings nga nagasaad nga epektibo ini agud malikawan ang paglatnanay sang virus sa mga pasahero.
Sa piyak naman sini, ginsiling sang opistal nga dapat sa giyapon ang strikto nga pagpatuman sang health safety standards sa tanan nga pampubliko nga transportasyon agud malikawan ang transmission sang COVID-19.
Matandaan nga sadtong Hulyo 3,202, gintugutan na sang gobyerno ang pagbiyahe sang mga jeepney kag mga bus apang ginmanduan ang mga driver nga magbutang sang plastic barriers augd indi magdikitay ang mga pasahero.
