Ginpahanumdum sang Land Transportation Franchising and Regulatory Board (LTFRB) nga kinahanglan ibutang sang mga drivers ang “fare matrix” sa ila salakyan nga ginabyahe, antis ipatuman ang saka sa plete.
Buwas nga adlaw, Lunes, Oktubre 3, magasaka na ang plete sa mga depasahero nga mga salakyan, gani kinahanglan nga ipahibalo na sa publiko ang mga dapat mahibaluan nga impormasyon, suno sa Department of Transportation (DOTr).
Naghingyo naman sang pag intyendi sa publiko si Transport secretary Jaime Bautista.
Ginpaathag sang opisyal, nga iya naintyendihan ang budget sang tagsa ka “commuter” okon pasahero, apang madugay na ang ginahingyo nga “fare hike” okon saka sa plete, kag sini gid lamang naaprubahan.
“Napaka-liit ng kinikita nila dahil presyo ng gasolina, maintenance. Dahil may inflation, kailangan din natin ng increase ng pamasahe, matagal na sila nanghihingi pero dahil nagkaroon ng pandemya, hindi natin binigyan ng increase para hindi mahirapan mga pasahero,” suno kay Bautista.
Yari ang ipatuman nga saka sa plete:
Traditional Jeepney – P1.80
Modern Jeepneys – P2.20
Bus – P2.00
Air con bus – Magasugod sa P15.00 ang plete kag dugang nga
P2.65 nga pamasahe sa masunod nga kilometro.
Taxi – dugang nga P5.00 sa flagdown rate kag wala sang dugang nga plete sa mga masunod nga kilometro.
