Nagapreparar na ang Philippine National Police (PNP) sa pag-obserbar sang All Saints’ kag All Souls’ Days sini nga tuig, base sa mandu ni Gen. Guillermo Eleazar, PNP chief.
Suno kay Eleazar, ginaplantsa na ang mga pagsulundan kag security measures para sa preparasyon sang pista minatay sa Nov. 1-2.
“I am expecting my chiefs of police to coordinate with local government units early, so guidelines and security would be in place in our cemeteries, memorial parks and columbariums even if we are in the middle of a pandemic,” pahayag ni Eleazar.
Panawagan naman ni Eleazar sa publiko, planohon kag icheck ang mga iga-implementar nga mga regulasyon kung magabisita sa mga sementeryo.
Sini nga tuig, istrikto nga igamonitor sang PNP ang pagdagsa sang mga tawo kag ginpaseguro man ang pagpatuman sang minimum health standards.
