Nagapreparar na ang The Philippine National Police (PNP) sa pagsaulog sang All Saints’ kag All Souls’ Days sini nga tuig.
Ginmandu na ni Gen. Guillermo Eleazar, PNP chief, ang tanan nga police units nga magprepara sang timprano sa palaabuton nga tigkalalag sa Nobyembre 1 kag 2.
Ang guidelines kag security measure ang ginaplantsa na sa karon.
“I am expecting my chiefs of police to coordinate with local government units early, so guidelines and security would be in place in our cemeteries, memorial parks and columbariums even if we are in the middle of a pandemic,” pahayag ni Eleazar.
Nagpanugyan man ini sa publiko nga e-check ang regulations nga iga-implementar sini nga tuig, kung nagaplano ang mga ini nga magbisita sang timprano sa mga patyo.
Sini nga tuig, mangin strikto na ang PNP sa pagmonitor sa mga tawo kag dapat i-obserbar ang minimum health standards.
