Pnp Handa Na Sa Implementasyon Sang Gina Rekomendar Nga “Hard Lockdown”

Suno kay PNP chief General Guillermo Eleazar, indi na bag-o sa PNP organization ang pag implementar sang anuman nga quarantine restrictions.

Kasunod sini ginpabutyag ni Eleazar, nga handa ang kapulisan sa anuman nga mandu sang Inter Agency Task Force (IATF) kag mga lokal nga panguluhan angut sa implementasyon sang gina propose nga “lockdown”.

Una diri, ginpalayag ni National Task Force Against COVID 19 deputy chief implementer Vince Dizon nga bukas ang national government sa pagpatuman sang “hard lockdown” agud mapunggan kag malikawan ang paglapta sang mas makalalaton nga Delta COVID 19 variant.

Bukas man ang sektor sang mga negosyante sa nasambit nga rekomendasyon.