Tuesday, October 4, 2022

PNP NAGPAANDAM SA PUBLIKO BATOK SA MGA SCAMMER GAMIT ANG PANGALAN SANG MGA PERSONALIDAD

- Advertisement -


Nagpaandam ang pamuno sang Philippine National Police sa publiko batok sa mga scammers nga nagagamit sang pangalan sang mga personalidad partikularmente sang mga political aspirants.


Suno kay Police Gen. Guillermo Eleazar, kinahanglan mangin kritikal ang publiko kag indi magsalig sa mga nagagamit sang pangalan sang mga personalidad ilabi na sang mga politiko nga nagapangsolicit sang pabor ukon kwarta.


Dugang pa ni Eleazar, nagmandu na siya sa mga police units nga magbantay sa amo nga modus agud malikawan ang pagpanginto sa mga indibidwal.

- Advertisement -


Gin-issue ni Eleazar ang amo nga paandam matapos madakpan sang Caloocan City Police ang lima ka persona nga gina-alegar nagabaligya sang daily time records nga tag P30 ang isa sa mga residente nga magabaton sang cash gikan kay Sen. Manny Pacquiao para sa pagpaninlo sang komunidad.


Gina-alegar sang mga suspek nga miyembro sila sang staff ni Pacquiao kag ginsugo lamang nga mangrecruit sang mga cleaners nga pagahatagan sang P7,500.
Suno sa PNP chief, gindeny ni Pacquiao nga imbolbado ini sa amo nga iskema.

- Advertisement -

Related Articles

Leave a Reply

Stay Connected

- Advertisement -

Latest Articles