Wala nakahibalo si Presidente Rodrigo Duterte nga wala pa nasisante ang 43 ka mga personnel sang Bureau of Immigration nga imbolbado sa “Pastillas scheme” ukon ang pagpanuhol sang mga Chinese illegal workers sa mga katapo sang BI agud nga makasulod sa pungsod kag makatrabaho.
Madumduman sa State of the Nation Address sang presidente ginsiling sini nga ginsisante na niya ang 43 ka personnel sang BI bagay nga ginpanginwala ni Justice Secretary Menardo Guevarra kag ginsiling nga nakabalik na ang mga ini sa trabaho.
Suno kay kay Presidential Spokesman Harry Roque, maathag ang mensahe sang presidente kag ginmando sini sa Department of Justice kag Bureau of Immigration ang nasambit nga mga personnel sa mas madali nga panahon.
“Siguro po, obvious ang sagot at hindi po siguro alam ni Presidente, hindi pa sila nasisisante; ang alam lang niya, nasuspinde. Pero siguro po ang epekto ng kanyang mga binitawang salita, iyan po ay mandato sa DOJ, sa CID gawin ninyo ang lahat para masisante iyan sa lalong mabilis na panahon. Hindi po katanggap-tanggap iyong ginawa nilang pastillas scheme; kinakailangan po talaga sibakin sila,” pahayag ni Roque.
Nahibalauan nga gintawag nga Pastillas scheme’ ang pagsuhol sa mga BI personnel bangud ginarolyo ang kwarta nga ginasuhol nga daw kaangay sang pastilyas.*
