Mas gustuhon pa ni Presidente Rodrigo Duterte nga mapatay sang sa mag-atubang sa imbestigasyon sang International Criminal Court.
Nahibaluan nga nagapangatubang sang kaso nga crimes against humanity ang presidente sa ICC bangud sa anti-drug war campaign.
Suno kay Presidential Spokesman Harry Roque, ini bangud wala sang hurisdiksyon ang ICC agud hilabtan ang internal affairs sang Pilipinas.
Depensa ni Roque, maayo nga nagagana ang mga korte sa pungsod.Una diri, gin-aprubahan na sang Pre-Trial Chamber 1 sang ICC ang hirit ni anay prosecutor Fatou Bensouda nga imbestigaran ang drug war campaign ni Presidente Duterte sadtong Nobyembre 2011 tubtob Marso 2019.
Suno kay Roque, wala sang reaksyon si Presidente Duterte sa desisyon sang ICC nga sadto pa man nanindugan na ang punong ehekutibo nga mas gustuhon na lamang niya nga mapatay antes mag-atubang sa mga dumuluong nga huwes.
Kumpiyansa si Roque nga sa basurahan puluton ang kaso nga ginpasaka batok sa presidente.
