Natalana nga magabisita sa pungsod Russia ang pangulo sang China nga si Xi Jinping sa Marso 20 tubtub 22, sini nga tuig.
Ginkumpirmar mismo sang Foreign Ministry sang China ang pagbaton sang imbitasyon gikan sa Russia.

Suno sa China, apat ka tuig na nga wala makabisita si President Xi Jinping sa pungsod Russia agud magbisita kay Russian President Vladimir Putin.
Kalakip sa mga talakayon sang duha ka mga lider amo ang “strategic cooperation” sa duha ka mga pungsod.*