Tuesday, December 6, 2022

Presyo sang kalamay posible nga magsaka pa

- Advertisement -

Mataas sa gihapon ang presyo sang kalamay sa mga balaligyaan.

Sa Metro Manila, nagalab-ot sa gihapon sa P105 kada kilo ang presyo sang refined sugar.

Nagabili naman sang P85 kada kilo ang presyo sang “brown sugar”.

- Advertisement -

Suno sa mga manugbaligya, wala sa gihapon nagnubo ang presyo sang kalamay gikan sa ila mga suppliers.

Nag abiso pa ang mga suppliers nga posible magsaka ang presyo sang kalamay, gani nagdulot ini sang pagkabalaka sa mga manugbaligya.

Suno sa mga retailers, nagareklamo naman ang mga konsumidor sa mataas nga presyo sang kalamay.

Nagakatingala naman ang mga manugbaligya kon nga-a wala pa naganubo ang presyo sang kalamay, bangud madamu man sang supply sini sa Pilipinas.

Mabakal lamang ang barato nga presyo sang kalamay sa talatapan sang Sugar Regulatory Administration sa Quezon City.

Nagabili lamang sang P70 kada kilo ang kalamay sa SRA apang limitado sa tubtub lima ka kilo ang mabakal sang isa ka konsumidor.*

- Advertisement -
Sunshine Lacson
Sunshine Lacson
Former correspondent of DZRH network news. Editor and newswriter of Aksyon Radyo Bacolod. Anchorwoman of This is my life program of Aksyon Radyo Bacolod. Newscaster of Aksyon Radyo Bacolod. Currently the anchorwoman of It's Your Time to Shine at Radyo Bandera Sweet FM Bacolod.

Related Articles

Leave a Reply

Stay Connected

- Advertisement -

Latest Articles