Naglab-ot na sa P480 pesos kada kilo ang presyo sang katumbal okon “siling labuyo” samtang P250 kada kilo naman ang presyo sang “siling haba” sa Cabanatuan City probinsya sang Nueva Ecija.
Bangud sang tuman kamahal nga presyo sang katumbal, nagabakal na lamang sang utay utay ang mga konsumidor.
Suno sa mga manugbaligya, daku ang ila kapital sa pagbaligya sang nasambit nga produkto kag may yara man nga nag untat sa pagbaligya bangud sang masyado kataas nga presyo.
Ginpaathag sang City Agricultural Office nga ginakulang ang suplay sang katumbal sa ila lugar bangud gina kompra ini sang mga nagahimo sang palupok.
Nagakabalaka ang mga manugbaligya bangud posible pa nga magsaka sa P700 kada kilo ang presyo sang katumbal sa masunod nga mga inadlaw.*