Magasaka na naman ang presyo sang krudo kag gasolina sa masunod nga semana.

Base sa forecast, sang isa ka oil industry, posible nga magsaka sa 60 tubtub 80 sentimos kada litro ang presyo sang krudo sa Martes, samtang, magasaka naman sa P1.20 tubtub P1.40 kada litro ang presyo sang gasolina.

Tuhay naman sa ginpalayag ni Oil Industry Management Bureau Director Rino Abad, nga may yara sang masobra P1.00 kada litro nga saka sa presyo sang diesel kag kerosene, kag P1.00 naman sa gasolina, sini nga Martes.

Suno kay Abad, nagsaka na ang demand sang fuel sa merkado kasunod sang liwat nga pagbukas sang ekonomiya sang China, rason kon nga-a magasaka ang presyo sang fuel sa international market.*

Leave a Reply