Presyo sang LPG magasaka sa P8 kada kilo

Isa ka “bigtime price hike” ang ipatuman sang mga oil companies, para sa presyo sang Liquified Petroleum Gas ukon LPG sa bulan sang Pebrero.

Suno sa Department of Energy, posible nga madugangan sang P8.00 kada kilo ang presyo sang LPG sa Metro Manila.

Kasunod sini, magasaka sa P990 ang 11-kilogram nga tangke sang LPG gikan sa P824.

Ang 11-kilogram nga tangke sang LPG amo ang kalabanan nga ginagamit sa mga puluy-an.

Magluwas sa LPG, posible man nga magsaka ang presyo sang diesel kag gasolina sa masunod nga semana.

Magasaka sa 60 tubtub 80 sentimos kada litro ang presyo sang diesel samtang P1.20 tubtub P1.40 naman ang posible nga idugang sa presyo sang kada litro sa krudo.*