Ginalauman na ang pagsaka sa presyo sang mga noche buena items ,pila ka semana antis ang panahon sang paskua.
Suno kay Philippine Amalgamated Supermarkets Association President Steven Cua , posible nga magsaka sa 25 sentimos tubtub P2.00 ang presyo sang mga produkto nga masami ginabakal sa ti-on sang paskua.
Una diri, ginpahanugutan sang Department of Trade and Industry (DTI) ang mga manufacturers nga magpasaka sa presyo sang ila noche buena items.
Ulihi nga nagpatuman sang price increase ang mga manufacturers sang tinalikdan pa nga 2019.
Nagpahibalo man ang pila ka mga manufacturers sang canned tuna, pasta, biskwit, gatas kag frozen meat nga magapasaka sang presyo sang ila produkto sa bulan sang Nobyembre.
Nagapatuman sang price increase ang mga manufacturers , bangud sang mga galastuhon katulad na lamang sang pagbayad sang 13th month sang mga empleyado.
Sini nga tuig amo ang ikaduha nga paskua sa panahon sang pandemya.*
