Kinahanglan ipatuman sang gobyerno ang price ceiling sa tion nga nagasaka ang presyo sang mga pagkaon kag iban pa nga mga balaklon agud mapamag-an ang ginapas-an sang publiko ilabi na sang mga pigado sa sini nga pandemya.
Suno kay senatorial candidate kag human rights lawyer Chel Diokno, ang pagsaka sang presyo sang pagkaon kag iban pa nga balaklon ang panibag-o nga pagtilaw sa kadam-an sa mga Pilipino nga wala pa nakabangon sa epekto sang pandemya.
Ginsiling ni Diokno nga indi pa tion para sa pagsaka sang mga balaklon bangud magaserbe lamang ini nga dugang nga pabug-at sa mga Pilipino nga wala pa makakita sang trabaho.
Bilang kabahin sang iya tinutuyo nga makabulig sini nga pandemya, nagtukod si Diokno sang libre nga legal help desk agud madiskusyunan ang problema legal sang pigado nga mga Pilipino nga wala pambayad sa abogado.
