PROGRESSIVE ALLIANCE OF CAPITOL EMPLOYEES (PACE) NAGPALAB-OT SANG PETITION KAY GOV. LACSON AGUD HINGYUON ANG PAGPAHALIN SA PWESTO SA PAMUNO SANG HRMO

Nagpalab-ot sang petition kay Provincial Governor Eugenio Lacson ang Progressive Alliance of Capitol Employees (PACE) agud hingyuon ang pagpahalin sa pwesto kay Atty. Anabelle Palic bilang pamuno sang Human Resource Management Office.

Suno kay Renelo Lastierre, presidente sang Progressive Alliance of Capitol Employees (PACE) nalakip sa mga reklamo sang mga empleyado ang pagbuhin sang leave credit sa tion sang pandemic kag mga polisiya sa mga requirements sang mga retirees.

Nahibaluan nga masobra sa 500 ka katapo sang PACE ang nagpabutyag sang ila mga petition agud mapahalin sa pwesto si Atty. Palic.

Sa karon, wala pa napalab-ot ang petition kay Atty. Palic kag wala pa nakuha ang iya nga bahin.