BACOLOD CITY– Ginhiwat subong nga adlaw sang Huwebes, Nobyembre 24, 2022 ang Negros Occidental Universal Health Care Summit sa Ayala Malls Capitol Central sa siudad sang Bacolod.
Ang nasambit nga kahiwatan ang may tema nga: ” Identifying and Bridging the Gaps Towards Implementation”.
Ginpangunahan ang programa pinaagi sang isa ka performance sang La Castellana Bailes de Luces Dancers.
Gintambungan ini nanday Governor Eugenio Jose Lacson, Vice Governor Jeffrey Ferrer, Provincial Administrator Attorney Rayfrando Diaz, mga tiglawas sang Philhealth, mga kongresista halin sa 6 ka distrito sang probinsya, mga alkalde halin sa nagkalain-lain nga mga Local Govenment Units (LGUs) sa Negros Occidental, mga katapo sang media kag mga stakeholders.
Ginpakilala ni Dr. Sophia Pulmones, OIC – Regional Director III sang Department of Health Region – 6 ang keynote speaker nga si Dr. Lorraine Ho, OIC – Undersecretary kag Assistant Secretary sang Department of Health.
Tinutuyo sang amo nga summit agud mahibalu-an ang kahandaan sang probinsya para sa “Full Implementation” sang Universal Health Care sa Negros Occidental.*
