Friday, October 7, 2022

Pulis Imbolbado Sa Pagpaniro Sa Brgy. 26, Bacolod City; Duwa Pilason!

- Advertisement -

Bacolod City—Gindangat sa hospital ang biktima nga si Richard Jimenez y De Erit matapos makaangkon sang igo sang pagpaniro sang suspek sa iya wala nga tiil alas 12:30 kaina sang kaagahon, Hunyo 19 sa Rizal St. Brgy. 26, ciudad sang Bacolod.

Photo courtesy of Police Station 4


Ang suspek ginkilala kay PMSg Jeff Desucatan y Lozada.


Nakapalagyo ang suspek matapos ginhimo ang krimen apang boluntaryo man ini nga nagsungka sa kapulisan ala 1:15 kaina sang kaagahon dala ang iya service firearm nga Glock 17 nga may isa ka magazine “loaded” sang apag ka live ammunition.

Photo courtesy of Police Station 4
- Advertisement -


Narekober sa crime scene ang tatlo ka live ammunition kag apat ka cartridge cases.


Magluwas kay Richard, pila ka oras matapos magluntad ang insidente, may isa ka biktima nga si Jorem Sibug y Biron ang gindala sa hospital bangud naka-angkon ini sang pilas sa tiyan nga ginapatihan na-iguan man sa pagpaniro sang pulis samtang nagalakat malapit sa ginluntaran sang insidente.

Photo courtesy of Police Station 4


Base sa paglantaw sang kapulisan, posible “personal grudge” ang motibo sa krimen.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles