Wednesday, July 24, 2024

Pulis Kag Apat Ka Mga Kasabwat Sini Gindakop Bangud Sang Robbery-Extortion sa Pampanga

- Advertisement -

Dakup ang isa ka pulis kag apat ka mga miyembro sang Truck Ban Traffic Management Office sa kaso nga robbery-extortion sa ginpatigayon nga entrapment operation sa atubangan sang gasoline station sa Apalit, Pampanga.

Ginkilala ang mga nagkaladakpan nga sanday Police Corporal Leomar Calegan, 37-anyos; Marlon De Guzman, 39-anyos; Menard Mendoza, 32-anyos; Michael Maniulit, 50-anyos kag Noel Manarang, 23-anyos, base sa report sang Philippine National Police.

Suno kay PNP chief General Guillermo Eleazar nga gindakop ang mga suspek matapos makabaton sang kwarta halin sa drayber sang naga-agi nga mga truck.

- Advertisement -

Nagpakuno-kuno bilang porter ang operatiba sang Integrity Monitoring and Enforcement Group (IMEG) nga nagbaton sang extorted nga kwarta.

Nakumpiskar sa mga gindakop ang assorted nga mga IDs, PNP ID, isa ka 9mm pistol, Glock 17, duha ka magazines kag 30 ka mga bala. Nakuha man ang P804,170 nga cash, nga ginapatihan nakolekta nga kwarta sang mga suspek sa naga-agi nga truck drivers.*

- Advertisement -
Shiela G. Gelera
Shiela G. Gelera
Shiela G. Gelera is a Bacolod City/Negros Occidental-based journalist who has covered various beats since she started her media career in 2013 up to the present. She had worked with the oldest local daily newspaper in the Visayas before she hopped into the broadcast industry. Currently the news director of Radyo Bandera Sweet FM Bacolod. Aside from being with the local media outfit, she is also a news stringer for a national media network and a story contributor for a local news daily in Bacolod.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles