Tuesday, July 16, 2024

PULIS NGA NAG-AMOK SA MANILA POLICE DISTRICT HEADQUARTERS PATAY; ISA MAN KA PULIS PATAY KAG ISA PILASON!

- Advertisement -

Duwa ka pulis ang patay sang nagluntad ang pagbalusanay sang lupok sa sulod mismo sang Manila Police District headquarters sa UN Avenue.

Sa report, una nga gindeklarar nga patay alas 12:45 sadtong Biyernes sang kaagahon si PEMS Reynante Dipasupil samtang alas 3:06 naman sang ginbawian sang kabuhi si PEMS Romeo Cantal.

Nauna diri, hinali nalang nag-abot si Dipasupil sa DPIOU Office nga hubog kag ginguba ang pirtahan sang amu nga opisina.

- Advertisement -

Ginpahog pa sini ang kaupod man nila nga pulis nga si PSSg Michael Datur (Duty Desk) nga indi maghilabot sa ila problema kag nagpadulong sa iya cabinet sa diin, nakabutang ang iya pusil kag ginkuha ang M-16.

Apang, wala ini nagpulok rason nga ang iya Galil 5.56mm Rifle ang gingamit kag ginpalukpan sang pito ka beses ang kisame sang opisina.

Kasunod sini, nagpanaug si Dipasupil kag nasugata naman si PLTCOL Dionelle Brannon kag ginpalukpan sang pila ka beses.

Gintiro man ni Dipasupil ang opisina sang DDEU rason nga na-iguan naman si PMSg Raynelado Cordova.

Sang makasulod sa sulod sang corridor sang headquarters, gilayon ini nga nagsaka sa ika-duwa nga panalgan sa diin, yara ang opisina ni MPD Director Brig Gen.Leo ‘Paco’ Francisco.

Pag-abot sini sa ika-duwa nga panalgan, nagdiresto siya sa ODD ukon Office of the District Director kag nagpalupok sang sunod-sunod.

Nahimo pa nga magdalagan sa insidente ni PCpl Jomar Dela Paz nga siya ang naka-duty sang nagluntad ang pagpaniro.

Gilayon naman ini nagpadulong sa exit gate sa likod sang headquarters sang gintiro niya si PEMS Cantala sang iya service firearm antes ini ginpasurrender.

Bangud sini, nagpalupok naman ang iban pa nga pulis nga sanday PSSg Aaron Urbano, PSSg German Roque Jr kag PSSg Allen Camangon, Duty Security sang DD, MPD batok kay PEMS Dipasupil.

Bangud sini, ang mga katapo naman sang SWAT ang nagpalupok rason nga na-iguan ang suspek.

Ginlayon nga gindala sa Manila Medical Center sanday Cantal kag Cordova samtang gindala naman sa Manila Doctors Hospital si Dipasupil sa diin, gindeklarar nga patay.

Gina-obserbahan naman sa amu nga hospital si Cordova bangud sa naangkon nga igo sang bala.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles