PHILIPINES – Nagapati na ang kalabanan sa mga Pilipino nga “accurate” kag “credible” ang pagkadaug ni Presidente Ferdinand ‘Bongbong’ Marcos Jr. nga resulta sang eleksyon sadtong Mayo 9, 2022.
Sandig sa resulta sang nationwide survey nga ginpaguwa sang Pulse Asia sang Lunes, may 82 porsyento sang 1,200 nga adult respondent humalin Hulyo 24 tubtob 27, nga nagahambal nga madako ang ila salig sa nangin resulta sang national kag local polls.
Sa Mindanao, may yara sang 96 porsyento sang respondents nga nagapati nga accurate kag credible ang resulta sang eleksyon, 85 porsyento sa Visayas, 84 porsyento sa National Capital Region kag 73 porsyento naman sa Balance Luzon.
May 4 porsyento lamang sa bug-os nga pungsod ang wala gasalig sa resulta sa gintalikdan nga eleksyon.
Samtang, kalabanan sa mga Pinoy adults ukon 89 porsyento, amo ang satisfied ukon kontento sa automated voting system nga gin-gamit sadtong eleksyon.
