Isa na naman ka “achievement” ang nahimo sang bug-os nga management sang Radyo Bandera Bacolod sa matood nga pagserbisyo sa publiko kag sa bilog nga Negros Occidental matapos makabaton sang Certificate of Appreciation bangod sa dedikasyon kag partisipasyon nga ginpakita agud mahatag ang nagakaigo nga detalye may kaangtanan sa pag-aku mismo sang suspek sa pagpatay kag paghimulos sa 6 ka tuig nga bata sa Purok Arao, Brgy. Estefania pinaagi sa exclusive interview sang Radyo Bandera.
Lakip sa nakabaton amo si Kabanderang Eljohn Castaño (Station Manager), kabanderang Rey Umalay, (Reporter) kag kabanderang Vincent Coralde (patrol driver).
Ang Radyo Bandera Bacolod ang pinakauna nga nagresponder sa insidente, ekslusibo nga nag-interview sa iloy kag utod sang biktima.
Dugang pa, nga sa exclusive interview sa suspetsado nga naka-detained sa Police Station 4, siya mismo ang nag-aku sa Radyo Bandera sa iya ginhimo nga krimen sa biktima.
Daku naman ang pagpasalamat sang bug-os nga pamunuan sang Radyo Bandera Bacolod sa pagkilala sang Bacolod City Police Office sa detalyado nga kontribusyon sa hilway kag patas nga pagdul-ong sang mga balita.
Ang nasambit nga award ang ginadedikar sa tanan nga nagapadayon suporta kag nagasalig sa Radyo Bandera.
