Isa ka Osprey (Pandion haliaetus), nga isa ka raptor bird, ang nasi-od sa burador ni Denmark Francisco kag Jiro Apatan, mga residente sang Sitio Olamhay sa Barangay Punta Mesa, banwa sang Manapla, Negros Occidental, sadtong Maro 1, 2022.
Matapos sang insidente, gindala nila ang pispis sa Municipal Agriculture and Fishery Office sang Manapla para i-turnover.
Sa inisyal nga observation, may injury sa natuo nga pakpak sang pispis.
Gindala ang nasambit nga pispis sa Cadiz City Veterinary Office para ipaidalum sa examination kag bulngon, antes ini igabuy-an sa iya habitat.
Yara karon sa kustodiya sang Cadiz City Veterinary Office ang pispis para sa iya recovery kag monitoring.
Sandig sa Republic Act 9147 ukon ang Wildlife Resources Conservation and Protection Act, ginadumilian ang pag-kolekta, pagbaligya, pagkuha kag pag-atipan sang ini nga mga pispis kung wala sang nagakaigo nga permit.*
