Dead on the spot ang 28-anyos nga rider matapos ini makabunggo sa naka-park nga Isuzu Giga wing van nga loaded sang pepsi products sa dalan Circumferential, Purok Pine Tree, Barangay Bata sa syudad sang Bacolod, takna las 12:10 kaina sang kaagahon, Domingo, Agosto 28, 2022.
Ginkilala ang biktima kay Jefferson Decosta, temporaryo nga nagapuyo sa Barangay Estefania, Bacolod, kag tumandok sang Barangay Bato sa syudad sang Sagay, Negros Occidental.
Sandig sa imbestigasyon, nagasakay si Decosta sa iya Honda Beat nga motorsiklo padulong nasidlangan sang Circumferential Road sang ini ang makabunggo sa wing van nga nakapark sa higad sang dalan kag naga-atubang sa nasidlangan.
Gindala ang lawas ni Decosta sa Abe Funeral Homes.
Samtang ang drayber sang wing van nga si Alfredo Cosio, 28-anyos, kag residente sang Barangay Bata, ang gindala sa Police Station 3 pati na ang Honda nga motorsiklo sang biktima.*
