Patay ang 36-anyos nga lalaki matapos nga nalapakan sang 6-wheeler truck sa Bangga Patyo, Brgy. Poblacion, banwa sang San Enrique takna las 4:55 sang kaagahon sang Huwebes, Setyembre 15.
Ginkilala ang biktima kay Michael Serenio, 36-anyos, may asawa, kag residente sang Brgy. Poblacion, sa syudad sang Bago.
Samtang ang drayber naman sang truck amo si Ronnie Samson, 53-anyos, may asawa, kag residente sang Brgy. Sibucao, sa nasambit nga banwa.
Suno kay PCpl. Joemar Ordanel, ang traffic investigator sa insidente, padulong sa sur nga bahin ang biktima sang nabungguan sang nasambit nga truck ang likod nga bahin sang iya nga motor rason kun ngaa nagsuhot ini sa idalum sang truck kag nalapakan.
Gindala pa ang biktima sa Don Salvador Benedicto District Hospital apang gindeklarar ini nga dead on arrival.
Nakahunong sa karon ang suspetsado sa San Enrique Police Station.
