Tuesday, December 6, 2022

Rider Patay Matapos Matumba kag Madalasa sang Truck

- Advertisement -

PANGASINAN – Patay ang isa ka 37-anyos nga rider matapos natumba ang ginamaneho sini nga motorsiklo kag nadalasa sang truck sa Pangasinan.

Ginkilala ang biktima kay John Torres nga residente sang Brgy. Pinmaludpod sa syudad sang Urdaneta sa nasambit nga probinsya.

A rider loses control while overtaking a tricycle and hit by the truck. Photo from GMA.
- Advertisement -

Suno sa kapulisan, gina-alegar nag-overtake ang biktima sa isa ka tricycle sa bahin sang dalan sa Brgy. Nancayasan kag nadulaan ini sang kontrol, rason kun ngaa natumba ini.

Hinali nga nadalasa sang isa ka truck ang biktima kag ginpabay-an lamang ini sa karsada.

Base sa pahayag sang himata sang biktima, papauli na si Torres gikan sa iya trabaho sang natabo ang insidente.

Nagapanawagan naman ang live-in partner sang biktima sa drayber sang truck nga magsungka na sa kapulisan.

Ginapatigayon naman ang imbestigasyon sang mga otoridad agud madakup ang drayber sang truck.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles