Tuesday, October 4, 2022

Russian Students nga Nagsaot Tinikling, Viral sa Social Media

- Advertisement -

MOSCOW- Viral sa social media ang isa ka minuto nga video sang university students nga nagasaot sang Tinikling sa Moscow, Russia.

Ini ang pinakauna nga Filipino community gathering sa Moscow humalin sang nagsugod ang pandemya.

Russian Students performing filipino cultural dance called “tinikling” in a celebration of Independence Day at Moscow. Photo from PE Moscow

Nagtambong ang mga katapo sang Filipino community kag mga Russian guest sa nasambit nga selebrasyon kun diin ginbida ang kultura kag pagkaon sang mga Pinoy, ilabi na ang katutubo nga saot kalakip ang Tinikling.

- Advertisement -

Suno kay Philippine Ambassador to Russia nga si Igor Bailen, daku ang nabulig sang viral video agud maipakilala ang kultura sang Pilipinas sa Russia.

Ang Russian dancers ang mga estudyante sang Moscow Lomonosov State University kun diin ang iban sa ila ang nagatuon sang Philippines Studies.

Dugang pa ni Ambassador Bailen, wala nalakip ang nasambit nga mga estudyante sa programa sang Independence Day, apang sang iya nalantaw ang video kun diin gasaot ang mga ini sang Tinkling, napaminsaran sini nga agdahon ang mga ini nga mag-perform sa pagsaulog sang Independence Day.

“It would be a sin not to share this very beautiful dialogue of cultures with a larger audience. The first in-person June 12 celebrations in the embassy in three years was coming up, and it was the perfect stage and occasion to share what these Russian students were learning. And thanks to the reach of socmed, we can even share this gift with a worldwide audience. The positive and good vibes response has been overwhelming and very encouraging. Maybe next year, they can even dance the singkil,” suno kay Bailen.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles