Salakyan nga puno sang baboy nahulog sa banglid

Halos indi na maintyendihan ang nangin sitwasyon sang 72 ka mga baboy nga nahaw-as sa cargo truck sang aksidente nga mahulog sa banglid ang nasambit nga salakyan.

May kadalumon nga 20 metros ang banglid sa diin nahulog ang truck matapos nga indi na ma kontrol sang driver.

Base sa imbestigasyon sang mga otoridad, nadulaan sang preno ang truck kag nahulog sa banglid sa Diadi, Nueva Vizcaya, las 3:00 sang hapon, miyerkules.

Pilason ang driver kag isa pa sini ka kaupod.

Gikan sa Bulacan ang cargo truck kag padulong na kuntani sa Tuguegarao City agud mag deliver sang baboy.

Nagkalamatay ang pila sa mga sapat sang magluntad ang insidente.*