LONDON, UNITED KINGDOM– Nangin madinalag-on sa patag sang boksing ang London-based Pinoy boxer nga si Nathaniel Bustamante ukon mas kilala bilang Salt Papi.
Si Nathaniel ang ginbun-ag sa Candelaria, Quezon apang nag-migrate ang pamilya sa London, United Kingdom sang 14-anyos pa lamang ini.
May record si Nathaniel sa patag sang boksing nga 3 wins kag 0 losses.
Duha ka tuig ang nagligad sang nangin nurse si Nathaniel sang lima ka tuig sa London.
Luyag ni Nathaniel nga makahatag sang kasadya sa mga tawo, gani nangin sikat ini sa patag sang social media pinaagi sa mga video contents.
Gina-idolo naman ni Nathaniel ang boxing legend nga si Manny Pacquiao.
Indi naman malimtan sang boxer ang match batok kay Josh Brueckner sadtong 2022 bangud nalutos niya ang professional mixed martial artist sa duha ka rounds.
Sadtong 2017 nangin sikat ini sa social media sa pangalan nga Salt Papi apang kilala man ini bilang Busta Breezie.
Bugal naman sang iya iloy nga si Maritess Bustamante ang tanan nga kadalag-an sang iya anak.*
