“Gusto ko po sana tapusin muna ang huli kong termino sa Mayor bago ako manungkulan sa ibang position.” Ini ang diretso nga pahayag ni Davao City Mayor Sara Duterte sa iya mga tagasuporta nga naga-tulod sa iya nga magpadalagan bilang Pangulo sang Pilipinas sa 2022 elections.
“Masakit din para sa aking damdamin na sana’y magpaubaya sa mga kaibigan na hindi ko maibigay ang gusto ninyo,” pahayag ni Sara sa iya Facebook post.
Matandaan nga una na nagsumiter sang Certificate of Candidacy si Sara para sa re-election sa pagka-alkalde sang Davao City.
Kung magadaug si Sara sa pagka-alkalde, ini na ang mangin ika-apat nga termino ni Sarah sa diin, nag-umpisa ini sadtong 2010 tubtob 2013; 2016 tubtob 2019; kag 2019 tubtob 2022.
Pila man ka beses nga nagpanguna si Sara sa mga ginahimo nga pre-election surveys bilang presidential contender sa 2022 elections.
