E.B. Magalona – Isa si Carlos Ayomana Jr. sang Hacienda Cudangdang 4 sa banwa sang E.B. Magalona sa mga kadete sang “Madasigon” Class of 2023 sang Philippine Military Academy (PMA).
Suno kay Joel Jaquinta, nagatindog nga amay-amay ni Carlos, isa ka anay sakada sa hacienda ang nataliwan nga amay sini kag personal man nga na-agyan ni Carlos ang magtrabaho sa katubuhan.
Ginpakigbahin man ni Jaquinta ang iban pa nga kabudlayan nga naagyan ni Carlos sadto kaangay sang paglakat sang pila ka kilometros pakadto sa buluthuan.
Apang nagpadayon si Carlos tubtub nga nakasulod sa PMA kag naggradwar sang Domingo, Mayo 21.
Samtang lunsay mga propesyonal naman ang iban pa nga mga utod ni Carlos.
Ginapamatud-an ni Carlos kag sang pamilya Ayomana nga nagabunga ang pagpangabudlay.
“I am posting this to draw inspiration and ignite the faith of poor young generation that everything you are facing today is temporary as long as you persist, struggle and work hard for your dream to ranway from being poor and hopeless,” pahayag ni Jaquinta.
“With his proud father (deceased) and mother and siblings who are likewise young professionals in their own field today, we share this celebration of your life success. No one could be prouder but a poor son and daughters of a hacienda/sugar worker like you,” dugang pa sini.
Congratulations, Carlos! We are proud of you!
