Security Guard nga Nagamando sang Trapiko Patay matapos Gindalasa sang Nagasibad nga SUV

CAVITE – Patay ang 53-anyos nga security guard nga nagamando sang trapiko sa tunga sang dalan sang Dasmariñas, Cavite matapos madalasa sang nagasibad nga SUV.

Makita sa CCTV camera, nagamando sang trapiko ang security guard sa tubang sang iya gina-ubrahan sa Barangay Salwag.

Matapos sang pila ka minutos, hinali nga nag-abot ang nagasibad nga itom nga SUV kag gindalasa ang security guard.

Bangud sa mabaskog nga pag bunggo sa biktima, nagtabog ini.

Gilayon naman gindala ang biktima sa ospital apang gindeklarar ini nga ‘dead-on-arrival.’

Sa karun yara ang drayber sang SUV sa kustodiya sang kapulisan kag naga-atubang sa kaso nga reckless imprudence resulting to homicide.