Sen. Bato gin banatan ang mga kritiko sang administrasyon ni Duterte kaangot sa pagka priso ni Rappler CEO Maria Ressa!

Indi nagakadapat nga basulon ang admimistrasyon ni Presidente Rodrigo Duterte bangod sa pagpanaog sang mandu nga “guilty” sa kaso nga cyber libel kay rappler CEO Maria Ressa suno kay Senator Bato Dela Rosa.

Wala sang pag-atake sa Press Freedom suno kay Bato bangod ang kaso nga ginaatubang ni Ressa ang kaso nga gin-file sa iya sang is aka pribado nga indibidwal.

Madumduman nga ginpasakaan sang kaso kaangot sa cyber libel si Ressa sang isa ka businessman nga si Wilfredo Keng bangod sa ginaalegar nga artikulo kon sa diin ginpahayag sini nga si Keng ang imbuldado sa Human Trafficking kag iban pagid nga kaso.

Sa karon nakatalana nga magbayad sang ginrekomendar nga piyansa si Ressa kag ang iya sini nga anay researcher-writer nga si Reynaldo Santos.