Ginpakigbahin ni Senator Manny Pacquiao nga nagsulat ini sa gobyerno sang China, kag ginhinyo diri nga kuhaon ang ila mga barko sa Julian Felipe Reef sa West Philippine Sea.
Ang nasambit nga sulat ang may petsa nga Abril 10, 2021 kag para ini kay Chinese Ambassador to the Philippines Huang Xilian.
Nakasaad diri ang pagpahayag sang senador sang tuman nga pagkahangawa sa presensiya sang may kapin 220 Chinese militia vessels sa Julian Felipe Reef, nga maathag naman suno sa iya nga kabahin pa sa teritoryo sang Pilipinas.
“We demand nothing less than for your country to respect our sovereignty,” kabahin sa sulat ni Paquiao.G
inpakigbahin man sini ang iya pagsulat amo agud nga ipanginwala ang mga pahayag nga wala ini nagasuporta sa resolusyon nga gin-author ni Minority Leader Frank Drilon nga pagkondenar sa presensya sang mga Chinese vessels sa teritoryo sang Pilipinas.
“Hindi naman na-media yung sulat ko kay Chinese Ambassador dahil personal letter ko yun. Two weeks after, Senator Drilon passed a resolution of the same nature which I did not sign because I already had a letter pending before the Chinese Ambassador here,” paathag pa sang senador.
