Nagbalos sa imbestigasyon ang Pharmally Pharmaceutical Corporation angot sa pandemic supplies deal matapos nga ginkasuhan naman sini sang sedition si Senator Risa Hontiveros sa ginapatihan pagpanuhol sa isa ka saksi agud magtambong sa isa ka Senate probe.
Ginpresentar ni Jaime Vega ang Pharmally nga nagpasaka sang kaso sa Office of the Ombudsman.
Gin-akusaran sang kompanya si Hontiveros kag staff sini angot sa pagpanuhol kay warehouse worker Veejay Almira sang ₱20,000 para mag testigo.
“Veejay personally admitted that he was bribed in the amount of ₱20,000 aside from the ₱10,000 and another ₱5,000 sent through GCash, just to tell lies to the damage and prejudice of Pharmally and its officers and shareholders,” nasaad sa complaint affidavit.
Na una na nga ginsiling ni Almira sa Senate Blue Ribbon Committee nga ginadoktor nila ang expiration dates sang face shields nga gin suplay gobyerno.
Sa isa naman ka pahayag nga gindala sang Pharmally sa media, ginsiling ni Almira sa iya bag-o nga ginsumpaan nga affidavit nga nagpasugot siya mag testigo kabaylo sang bulig para sa iya may balatian nga anak.
Gintawag naman ni Hontiveros nga “last ditch effort” na sang Pharmally ang ginkaso sa iya kag sa iya nga staff.
