Friday, March 29, 2024

Senior citizen ginlabo-patay sa Kabankalan; suspek nagsungka sa kapulisan

- Advertisement -

Ginbawian sang kabuhi ang isa ka senior citizen matapos ginlabo-labo sa Sitio Cabangahan, Barangay Hilamonan, syudad sang Kabankalan takna las 10 sang gab-i sang Sabado, Pebrero 4, 2023.

Ginkilala ang biktima nga si alyas Cosme, nagapang-edaron sa 70-anyos pasaka, samtang ginkilala naman ang suspek nga si Joemar Magdait, 23-anyos, lunsay mga wala sang asawa kag residente sang nasambit nga syudad.

Suno sa imbestigasyon, nagapangisda si Magdait sa sapa sa nasambit nga lugar sang hinali na lamang siya ginhampak sang bato ni Cosme sang makapila nga beses.

- Advertisement -

Nangakig naman si Magdait kag ginlabo niya ang kamot, liog kag ulo ni Cosme gamit ang ispading nga gintunaan sang kamatayon sang biktima.

Matapos ang krimen, ginbayaan ni Magdait ang lawas ni Cosme sa kilid sang sapa kag nagpalagyo ini padulong sa ila nga balay.

Gindala naman ang bangkay ni Cosme sa Sola Gracia Funeral Homes agud ipaidalum sa post-mortem examination.

Apang takna las 6:50 sang gab-i subong nga Pebrero 5, nagpadulong naman si Magdait sa Kabankalan City Police Station agud magsungka sa mga kapulisan.*

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles