Patay ang kanding matapos ini nga gin abuso sang isa ka 60 anyos nga lalaki sa Rawang, Malaysia.
Suno sa tag-iya sang kanding, iya nabatian ang gahod sang sapat sa likod sang iya puluy-an, la 1:30 sang hapon , martes, Hulyo 27.
Sang iya ginpadulungan ang lugar, nakita na lamang sang tag-iya nga nagbangon ang lalaki gikan sa kilid sang kanding nga wala na sang panapton.
Madasing nga nagpalagyo ang lalaki, nga suno sa tag-iya sang sapat, iya man nakilala, bangud nakita na sini ang suspetsado sa ila lugar.
Nakita ang suspek sa isa ka masi-ot nga lugar nga malapit man sa banwa, sa diin nagluntad ang kremin.
Gindala ang kanding sa laboratory sang Veterinary Department agud mapaidalum sa post mortem examination.
Sang tinalikdan nga martes, ginpasaka ang reklamo batuk sa 60 anyos nga suspek.
Gilayon man ini nga naaresto , bangud sang “bestiality”, okon pagpakighilawas sa sapat.
