Wednesday, June 19, 2024

Senior Citizen, Nasapwan-Patay sa Iya Kaugalingon nga Puluy-an sa Banwa sang Hinigaran

- Advertisement -

Municipality of Hinigaran – Nasapwan-patay ang lawas sang 74-anyos nga babayi sa iya kaugalingon nga balay sini gid lamang nga aga sang Miyerkules, Agosto 17 sa Brgy. Tuguis, banwa sang Hinigaran.

Victim allegedly dead for two days when authorities arrived at the scene. File photo.
Victim allegedly dead for two days when authorities arrived at the scene. File photo.

Ginkilala ang biktima nga si Terisita Oliver, balo, kag residente sa nasambit nga lugar.

Naga-isahanon nga naga-istar ang biktima sa iya puluy-an bangud ang isa ka bilog sini nga bata ang yara sa Manila kag may kaugalingon na nga pamilya.

- Advertisement -

Ang source of income sang biktima amo ang iya nga tyangge.

Suno sa utod sini nga si Herman Samolde, Lunes, Agosto 15, sang naglisinsya sa iya ang biktima nga mapa-Bacolod apang wala ini makadayon.

Gina-alegar nga wala na ini sang kabuhi adlaw pa sang Lunes, Agosto 15 bangud may nakabakal sa iya tyangge kag wala sang may nagasabat.

Takna las-nuebe sang aga kaina, liwat nga may nagbakal sa tyangge apang wala sa gihapon sang may nagasabat.

Suno sa iya mga kaingud balay, nagabaho na ang iya puluy-an kag gina langawan naman ini.

Bangud diri, nagdesisyon sila nga abrehan ang iya puluy-an kag didto nila nakit-an ang biktima nga wala na sang kabuhi sa iya nga katre.

Suno sa inisyal nga imbestigasyon, hypertension ang gintunaan sang kamatayon sang biktima.

Wala naman sang foul play nga na notar ang mga kapulisan.

- Advertisement -

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles