Isa ka stroke victim ang ginkadtuan sang Radyo Bandera sini nga aga sa Purok Ipil-ipil, Brgy. Cabug, Bacolod City.
Siya si tatay Vergilio Tabucoran, 66 anyos kag nagaselebrar pa subong nga adlaw sang iya kaadlawan.
Ang asawa ni tatay Vergilio amo si nanay Fremalyn Tabucoran, 55-anyos kag labandera.
Nahibaluan nga halos 1 na ka tuig nga na stroke si tatay Vergelio rason nga si nanay Fremalyn nalang ang naga-trabaho.
Sila ang may tatlo ka kabaatan apang kaupod lang nila sa ila puluy-an ang ila mga apo.
Nangin emosyonal si tatay Vergelio samtang nagapasalamat sa Radyo Bandera kag sa grasya nga nabaton sang ila pamilya subong nga adlaw nga ila ginakabig regalo.
Nagtulo man ang luha ni nanay Fremalyn samtang ginasaysay kong ano ka pigado ang ila nga sitwasyon nga ila ginabatu-an kada adlaw.
Magluwas sa 10 ka kilo nga bugas kag mga groceries halin sa Radyo Bandera kag RYU foundation, nakabaton man ini sang pila ka regalo halin sa empleyado.
