BAGUIO CITY– Nakuha ang kapin P4,000,000,000 nga balor sang “shabu”nga nakasulod sa tsa-a sa isa ka balay sa Naguilian Road sa siudad sang Baguio.
Ginapatihan nga halin ang “shabu” sa Metro Manila.
Suno sa isa ka report, isa ka Chinese national ang gin-aresto sa ginpatigayon nga operasyon.
Nagabug-at naman sang 570 ka gramos ang “shabu” suno kay Interior and Local Government Secretary Benhur Abalos.
Suno kay Major General Jonnel Estomo, Philippine National Police deputy chief for operations, halin sa Metro Manila ang nakuha nga “shabu” kag makaligad ang tatlo ka semana, gindala ini sa Baguio.
Pahayag pa ni Philippine Drug Enforcement Agenct Director General Moro Lazo, dako ang nabuhin nila nga suplay sang droga nga nagalibot sa pungsod Pilipinas.
Ginpasidunggan naman ni Baguio City Mayor Benjamin Magalong ang madinalag-on nga pagdakop sa suspek kag sa nakuha nga “shabu.”*
