Nagpahayag ang Department of Education sa tanan nga mga school heads nga maga-suspend sang face-to-face classes kag mangin modular distance learning na lang kun naga-eksperiensya sang tuman nga kainit ukon blackout.
Ginpakita naman ni Dep Ed spokesperson Michael Poa ang memo nga naga-isyu sa tanan nga heads sang publiko kag pribado nga mga buluthuan nga naga-depende sa ila ang desisyon kun maga-suspende sila sang klase kun naga-eksperiensya sang tuman nga init.
“Iba-iba po kasi ang situation ng ating mga paaralan. Kaya school heads po ang magde-determine. Ayaw rin po nating makaapekto sa kalusugan ng ating mga learners ang napakainit na panahon, kaya po pinaalalahan natin ang mga school heads na maaari silang mag-switch agad sa ADMs,” suno kay Poa.
Sa subong, Lunes, Abril 24, ang temperatura sa Pilipinas ang magadangat sa 33 degree celcius takna las-3:00 sang hapon.*