- Advertisement -
Duha ka tuig nga Chihuahua ang ginkilala bilang “shortest dog” ukon pinakamalip-ot nga ido nga buhi sa bug-os nga kalibutan sang Guinness World Records.
Si Pearl ang may kalabaon nga 5 inches ukon 12.7 sentimetros lamang kag nagabug-at sang 553 ka gramos.
Himata ni Pearl ang anay nagakapot sang nasambit nga titulo nga si Miracle Milly nga nagtaliwan sang tuig 2020.
- Advertisement -
Pinasahi nga Chihuahua si Pearl bangud kalmado ini bisan sa atubang sang madamo nga mga tawo.
“We’re blessed to have her… And to have this unique opportunity to break our own record and share with the world this amazing news,” pahayag sang nagahupot kay Pearl nga si Vanesa Semler.
- Advertisement -
