Tuesday, December 6, 2022

Siudad maga-istorya sa Pamilya Lizares angut sa duta nga paga-agyan sang access road sa Tangub

- Advertisement -

BACOLOD CITY– Maga-istorya ang siudad sa Pamilya Lizares angut sa paga-agyan sang access road sa Villa Esperanza, Barangay Tangub bangud ini ang maga-agi sa ila propriedad antes makapadulong sa runway sang Bacolod Old Airport kag magalapos sa Saint Vincent kag Araneta Extension National Highway.

Access road of Villa Esperanza, Barangay Tangub, Bacolod City.

Sa interview sang Radyo Bandera kay Engr. Efraem Hechanova sang City Engineers’ Office iya ginpahayag nga maga-istorya ang siudad sa Pamilya Lizares angut sa gina-agyan sang mga pumuluyo sang Villa Esperanza bangud madugay na nga wala na-semento.

Dugang pa ni Engr. Hechanova nga sadtong tiempo ni Mayor Montelibano kag Kapitan sang Barangay Tangub nga si Basilisa Atienza, ang J.R.Torres Avenue nga dalan ang naga-agi sa tunga sang Subdivision nga nangin punong ka lukon antes nag-desisyon nga pagahimu-on subdivision ang ginkasugtan nga i-prekorar ang permit baylo nga pagahatagan sang alagyan ang mga pumuluyo nga yara sa sulod.

- Advertisement -

Dugang pa ni Hechanova nga wala mahanda ang mga dokumento sang duta nga gina-agyan sang mga pumuluyo kag nagapabilin ini nga pribado nga propriedad tubtob karon.

Suno kay Engr. Hechanova, ang ini nga plano ang nahimo sa nagligad pa nga administrasyon apang ini ang wala pa ma materialize, samtang sa idalom sang Benitez Administration ini ang pagatinguhaan nga mahimo.

Ang nasambit nga access roads ang nangin kabahin sang mensahe ni Mayor Albee Benitez sa ginpatigayon nga 1st 100 Days Accomplishment Report sang Biyernes, Oktubre 7.*

- Advertisement -

Related Articles

Leave a Reply

Stay Connected

- Advertisement -

Latest Articles